عمران خان او بندہ اے جیں خود کش جیکٹ پا رکھی اے اتے او آئین تے حملہ کرݨ چاہندے ،چار سال اچ نواں پاکستان جو نی بݨیا پراݨے دا وی ٻیڑا غرق کرݙتس ،وزیراعلیٰ حمزہ شہباز

فیصل آباد ۔7مئی (اے پی پی):وزیراعلیٰ پنجاب حمزہ شہبازآکھیے جو عمران خان او بندہ اے جیں خود کش جیکٹ پا رکھی اے اتے او آئین تے حملہ کرݨ چاہندے ،چار سال اچ نواں پاکستان جو نی بݨیا پراݨے دا وی ٻیڑا غرق کرݙتس ،عام انتخابات ہی مسئلے دا حل ہن ایں کیتے آوݨ آلے ویلھے اچ جݙاں وی انتخابی اصلاحات تھیندن تاں وختی طور تے اتحادی جماعتاں اتے سارے جمہوری قوتاں دی مشاورت توں آزادانہ، منصفانہ، شفاف اتے غیر جانبدارانہ انتخابات کرواݙتے ویسن جݙاں جو کجھ لوک ملک اچ خانہ جنگی چاہندن مگر انہاں دی کوشش کامیاب نہ تھیوݨ ݙتی ویسی ، او مسلم لیگ (ن) دے سینئر رہنما و سابق میئر فیصل آباد چوہدری شیر علی دی رہائشگاہ تے آمد دے موقع تے میڈیا نال ڳالھ مہاڑ کریندے پئے ہن ، انہاں آکھیے جو عمران خان دے اشارے تے گورنر پنجاب مسلسل اپݨی غیر قانونی حرکتاں اچ مصروف اتے قانون و آئین کوں پیراں تلے دٻاوݨ چاہندے ایہا وجہ اے جو انہاں دے غیر جمہوری اقدامات پاروں ملک دے ساریں توں وݙے صوبے پنجاب کوں ھک مہینے تک جمہوری سربراہ دے بغیر رکھ تے تماشہ لاتا ڳئے لیکن اساں انہاں دا مقابلہ سیاسی میدان اچ کریسوں ۔

مضمون کا ماخذ : سکاراب ملکہ

متعلقہ مضامین