ن لیگ دی قیادت ولوں کورونا ایس او پیز دیاں دھجیاں اݙاوݨ دی بھرپور مذمت کرݨ فرض ہے، وفاقی وزیر اطلاعات و نشریارت چوہدری فواد حسین

اسلام آباد۔17مئی (اے پی پی):وفاقی وزیر اطلاعات و نشریات چوہدری فواد حسین آکھیے جو کورونا تے سیاست نی کرݨ چاہندے لیکن نون لیگ دی لیڈرشپ اپݨے ہمسایہ دوستاں دے نقش قدم تے چلدے ہوئیں کورونا ایس او پیز دیاں دھجیاں اݙاوے تاں ایندی بھرپور مذمت کرݨ فرض ہے۔ سنوار کوں آپݨے ٹویٹ اچ انہاں آکھیے جو اللہ اساکوں احتیاط پاروں محفوظ رکھیےی ۔ایجھیاں اوچھیاں تے غیرمحتاط حرکتاں توں تساݙی سیاست زندہ نہ تھیسی صرف کورونا کھنڈسی ۔انہاں آکھیے جو بطور شہری اتے سیاسی لیڈر وی کجھ ذمہ واریاں ہن، جے سیاسی رہنما اپݨی ذات توں اڳوں نی سوچ سڳدے تاں انہاں کوں قیادت دا دعوی نی کرݨا چاہیدا ، احساس تے ذمہ واری قیادت دے بنیادی اصول ہن لیکن ن لیگ دی قیادت ݙوہیں توں محروم نظرآندی اے ۔وفاقی وزیر اطلاعات و نشریات ن لیگ دےجلسے دی تصویر وی شیئر کیتی اے جیں اچ حمزہ شہباز اتے جلسے دے شرکا دی وݙی تعداد بغیر ماسک دے ݙکھائی ݙٰیندے پئن ۔

مضمون کا ماخذ : لوٹیریا کا نتیجہ

متعلقہ مضامین