جنوبی پنجاب نعرہ نئیں ضرورت اے،اساں اپنڑی گالھ تے قائم ہیں اتے ڈٹے وی راہسوں، وزیر خارجہ شاہ محمود قریشی

ملتان ۔31 مارچ (اے پی پی) ملتان اچ میڈیا نال گالھ مہار کریندے ہوئے جنوبی پنجاب صوبے دے حوالے نال کیتے گئے سوال دے جواب اچ وزیر خارجہ شاہ محمود قریشی واضح کیتے جو تحریک انصاف اپنڑے وعدے تے قائم اے،جنوبی پنجاب نعرہ نئیں ضرورت اے،اساں اپنڑی گالھ تے قائم ہیں اتے ڈٹے وی راہسوں،اج 12کروڑ عوام داصوبہ چلاونڑ ممکن کائنی،اساں جنوبی پنجاب دانعرہ نہ لایا ہئی،اساں اتھاں کم وی کرنڑ چاہندے ہیں اتے مسلے وی حل کرنڑ کیتے زور لیندے پئے ہیں،اساں اپنڑی گالھ تے قائم ہیں اتے پت ڈیسوں۔ انہاں آکھیے جو اج ڈیکھو تحریک انصاف تاں اپنڑے موقف تے اج وی اوویں کھڑی ہے بھل پیپلزپارٹی اتے ن لیگ جیہڑے ہک بئے تے کرپشن دیاں تہمتاں لیندے ہن، اج اپنڑے مفاد کیتے کٹھے رل گین،پی پی 218دے ضمنی الیکشن اچ لوک فیصلہ ڈیسن جو کون صحیح اے یا نئیں؟بلاول اتے شہباز شریف جیہڑے گالھیں اچ ہک بئے گھیلیندے ودے ہن اج کیا کریندے پین،ووٹر کنفیوز اے جو اوکوں کیویں استعمال کتیا ویندا پئے،اے کیہڑی سیاست اے جیندا سر اے نہ پیر۔

مضمون کا ماخذ : ہرکیولس اور پیگاسس

متعلقہ مضامین