بلاول بھٹو دے چیف میڈیا کوآرڈینیٹر نذیرڈھوکی دی یاد اچ تعزیتی ریفرنس

اسلام آباد۔31جولائی(اے پی پی)نذیر ڈھوکی آپݨی پوری حیاتی پاکستان پیپلز پارٹی دی خدمت کریندے گزار چھوڑی۔ اے ڳالھ پاکستان پیپلز پارٹی دے سینئر اڳواݨ فرحت اللہ بابر بلاول بھٹو دے چیف میڈیا کوآرڈینیٹر نذیر حیسن ڈھوکی دے پاکستان پیپلز پارٹی سیکٹریٹ اچ رکھیے ڳئے تعزیتی ریفرنس اچ کیتی۔ سیئنر اڳواݨ فرحت اللہ بابر دا آکھݨ ہئی نذیر حسین ڈھوکی ھک سادہ سچا تے پارٹی دا ھک مخلص ورکر ھا۔ انہاں دا آکھݨ ہئی جو ھک واری نذیر ڈھوکی پارٹی توں ناراض تھی ڳئے بی بی انہاں کوں مناتے گھن آئی اتے میݙی ذمے واری لائی جو نذیر ڈھوکی کوں سمجھاؤ ھک پولیٹیکل ورکر کیا ہوندے۔اوندے بعد نذیر ڈھوکی مردے دم تئیں بغیر کہیں تمے لالچ دے پاکستان پیپلز پارٹی نال جڑیا رہیا۔ تعزیتی ریفرنس اچ انہاں دیاں ݙو دھیریں تے پُتراں سودھے ڄواترا وی شریک تھیا۔ پاکستان پیپلز پارٹی دے سینئر عہدیدار تے نذیر حسین ڈھوکی دے سنگتی کیپٹن واصف اے پی پی کوں ݙسایا جو پارٹی نذیر حسین ڈھوکی دی خدمات کوں اصلوں نی وسار سڳدی۔انہاں دی جاہ تے انہاں دی دھی کوں نوکری ݙتی ویسی تے انہاں دے ٹٻر نال ہر ممکن تعاون کیتا ویسی۔

مضمون کا ماخذ : estratégias loteria وفاقی

متعلقہ مضامین