آرمی چیف دا اورکزئی دا دورہ، قوم دیاں قربانیاں نال ڳھدا ڳیا امن ہر صورت برقرار رکھیا ویسی، جواناں اتے افسراں نال ڳالھ مہاڑ
راولپنڈی۔13ستمبر(اے پی پی)آرمی چیف جنرل سید عاصم منیر آکھیے جو قوم دیاں قربانیاں نال ڳھدا ڳیا امن ہر صورت برقرار رکھیا ویسی۔ پاک فوج دے شعبہ تعلقات عامہ (آئی ایس پی آر) ولوں ݙسایا ڳئے جو آرمی چیف جنرل سید عاصم منیر اورکزئی دا دورہ کیتے جتھاں کور کمانڈر پشاور انہاں دا استقبال کیتے۔ آرمی چیف یادگار شہدا تے پھلاں دی چادر چڑھائی اتے دہشتگرداں دے گٹھ جوڑ کوں شکست ݙیوݨ اتے غیر قانونی سرگرمیاں مکاوم دا عزم دوہرائے۔
آرمی چیف کوں دورے اچ سکیورٹی د?? مجموعی صورتحال اتے انسداد دہشتگردی دیاں کارروائیاں تے بریفنگ ݙتی گئی۔ آرمی چیف کوں ضم کیتے ڳئے اضلاع اچ استحکام سانڳے کیتے ونڄݨ آلے کثیر الجہتی اقدامات دا وی ݙسایا ڳیا۔ سپہ سالار جنرل سید عاصم منیر وادی تیراہ اتے ایندے نال دے علاقیاں اچ انسداد دہشتگردی کارروائیاں اچ حصہ ڳھنݨ آلے جواناں نال ملین۔ انہاں جواناں دے بلند حوصلے اتے ہر قسم دے خطرے دے خلاف مؤثر ولدا ݙیوݨ دی تیاری اتے جذبے دی تعریف کیتی۔ آرمی چیف افسران اتے جواناں نال ڳالھ مہاڑ وی کیتی۔ ایں موقع ??ے آرمی چیف جنرل سید عاصم منیر سکیورٹی فورسز کیتے مقامی آبادی دی حمایت دی تعریف کریندے آکھیے جو علاقے اچ امن کوں برقرار رکھݨ اچ مقامی آبادی دا مثبت کردار ضروری اے، قوم دیاں قربانیاں توں ڳھدا ڳیا امن ہرقیمت تے ہتھیکے رکھیا ویسی۔
