اوکھے ویلھے افغانستان دے عوام دی امداد ویلھے دا اہم تقاضا اے، سپیکر قومی اسمبلی

اسلام آباد۔6جنوری (اے پی پی):سپیکر قومی اسمبلی اسد قیصر عالمی برادری تے زور ݙتے جو اوکھے ویلھے افغانستان دے عوام دی امداد ویلھے دا اہم تقاضا اے ، افغانستان اچ امن و استحکام نہ صرف افغان عوام کیتے ضروری اے بلکہ پاکستان دی مشرق وسطیٰ دے ملکاں تئیں تجارت کیتے رسائی کیتے وی ضروری اے۔ اے ڳال انہاں خمیس کوں افغانستان دے حوالے نال بین الوزارتی کوآرڈینیشن سیل (اے آئی سی سی) دے اجلاس دی صدارت کریندے ہوئیں آکھی اے ۔ اجلاس اچ وزیراعظم دے مشیر قومی سلامتی ڈاکٹر معید یوسف، وزیراعظم دے معاون خصوصی شہزاد ارباب اتے افغانستان کیتے نمائندہ خصوصی محمد صادق سودھے متعلقہ سرکاری اداریں دے افسران شرکت کیتی۔ اجلاس دے آغاز تے مشیر قومی سلامتی ڈاکٹر معید یوسف سپیکر قومی اسمبلی دا خیرمقدم کیتا اتے انہاں افغانستان بین الوزارتی کوآرڈینیشن سیل دے کردار اتے افغان عوام کیتے ایں فورم توں انسانی امداد دے حوالے نال ہݨ تئیں چاتے ڳئے اقدامات دے حوالے نال بریفنگ ݙتی ۔

مضمون کا ماخذ : گولڈ رش

متعلقہ مضامین