ایں ایوان اچ اساکوں ہک ݙوجھے بارے متنازع ڳالھ نی کرݨی چاہیدی، سید خورشید احمد شاہ

اسلام آباد۔23جون (اے پی پی) وفاقی وزیر آبی وسائل سید خورشید احمد شاہ آکھیا جو ایں ایوان اچ اساکوں ہک ݙوجھے بارے متنازع ڳالھ نی کرݨی چاہیدی۔ پیپلز پارٹی دے دور حکومت اچ پنج ہزار میگاواٹ بجلی اتے پنج ڈالر اچ ایل پی جی دے معاہدے منسوخ نہ کیتے ویندے تاں اڄ ملک کوں انہاں بحراناں دا سامݨا نہ ہوندا۔ سپیکر ایوان دی کمیٹی ٻݨاوݨ جیڑھی ایں ڳالھ دا تعین کرے جو 2008 توں 2013 تئیں ملک اچ بجلی دی کیا پوزیشن ہئی۔ قوم کوں پتہ چلݨا چاہیدے جو کیں کیں ملک تے کیا کیا ظلم کیتن۔ ارکان پارلیمنٹ دی ساری سکیماں ختم کر ݙتن پر پن بجلی دے منصوبیاں تے توجہ ݙتی ونڄے تاں ملک دے سارے مسئلے مُک ویسن۔ جمعے کوں قومی اسمبلی اچ ڳالھ مہاڑ کریندیں ہوئیں وفاقی وزیر آبی وسائل سید خورشید احمد شاہ آکھیا جو اساں ساریاں دا ہکو مقصد اے جو اساں ملک کوں مسئلیاں توں کݙھݨے۔

مضمون کا ماخذ : قسمت کا پہیہ

متعلقہ مضامین