وزیراعظم عمران خان دی زیر صدارت وفاقی کابینہ دا اجلاس ، حضرت امام حسین دے چہلم تے فول پروف سیکورٹی انتظامات اتے روزمرہ استعمال دیاں شئیاں ددیاں قیمتاں گھٹاونڑ کیتے فوری اقدامات دی ہدایت،وفاقی وزیر اطلاعات و نشریات شبلی فرازدی میڈیا بریفنگ
APP31-06
ISLAMABAD: October 06 Federal Minister for Information and Broadcasting Senator Shibli Faraz addressing a press conference at PID Media Centre. APP photo by Irshad Sheikh
اسلام آباد۔6اکتوبر (اے پی پی)وفاقی کابینہ حضرت امام حسین دے چہلم تے صوبائی حکومتاں اتے وفاقی دارالحکومت انتظامیہ کوں فوج اتے سول آرمڈ فورسزدی مدد ڈیونڑ،لیگل اینڈجسٹس اتھارٹی دے قیام دی منظوری ڈتی اتے روزمرہ استعمال دیاں شئیاں دا مل ودھنڑ تے چنتا کیتااتے قیمتاں گھٹاونڑ کیتے فوری اقدامات دی ہدایت کیتی۔ اجلاس اچ ملک دی مجموعی سیاسی صورتحال تے غور کیتا گیااتے فیٹف سانگے پیش رفت تے وی الوایا گیا۔میڈیا بریفنگ اچ سینیٹر شبلی فراز آکھیا جو بھارت پاکستان کوں فیٹف دی گرے لست اچ گھن ونجنڑ چاہندا ہا،ایں سانگے اپوزیشن وی فیٹف قانون سازی اچ رکاوٹ دی کوشش کر تے بھارتی موقف دی حمایت کیتی اے،اپوزیشن اتے دشمن ملک بھارت دابیانیہ ہکو جھیاں لگدے،سادا دشمن سروں نئیں چاہندا جو پاکستان مستحکم تھیوے اتے ترقی کرے۔انہاںا ٓکھیا جو 2011دے بعد پہلی واری پچھلے ڈو مہینے توں کرنٹ اکاونٹ خسارہ مثبت ر ہے،اجلاس اچ تریڈ بیلنس، برآمدات و درآمدات تے بریفنگ ڈتی گئی۔ڈسایا گئے جو ترسیلات زر اچ مثبت رجحان سامنڑے آئے،ایکس چینج ریٹ اچ وی استحکام رہے،ٹیکس کٹھا کرنڑ اچ تیزی ڈٹھی گئی اے جڈاں جو کابینہ کوں کنڑک، کپاہ، گنا، چنڑے اتے چاول دی پیدوار دی صورتحال وی ڈسائی گئی اے۔کابینہ کوں پی آئی اے دے خسارے اتے فیدی مند بنڑاونڑ کیتے صورتحال اتے اقدامات تے وی بریفنگ ڈتی گئی۔
